فواد چودھری کی تھانہ آبپارہ مقدمے میں ضمانت کنفرم ہوگئی

اسلام آباد: ایڈیشنل سیشن جج طاہر عباس سپرا نے فواد چودھری کے خلاف تھانہ آبپارہ میں درج مقدمے کی سماعت کی ہے۔ اس موقع پر فواد چودھری کے وکیل، فیصل چودھری عدالت کے روبرو پیش ہوئے۔

وکیل فیصل چودھری نے عدالت سے فواد چودھری کی ضمانت کی استدعا کی ہے، جو عدالت نے کنفرم کر دی ہے۔ اس دوران وکیل نے الزام لگایا کہ لاؤڈ سپیکر کا الزام بے بنیاد ہے اور تمام دفعات قابل ضمانت ہیں۔

جج طاہر عباس سپرا نے پوچھا کہ کیا فواد چودھری شامل تفتیش ہو چکے ہیں۔ وکیل کی طرف سے تصدیق پر عدالت نے انہیں تھانہ آبپارہ میں درج مقدمے میں ضمانت کنفرم کردی ہے۔