احسن اقبال کا الزام: 'دانیال عزیز پی ٹی آئی کی ٹکٹ لینےکی دوڑ میں مصروف تھے

شکرگڑھ: مسلم لیگ ن کے رہنما احسن اقبال نے دانیال عزیز کو الزام دیا ہے کہ وہ اندرونی طور پر پی ٹی آئی کی ٹکٹ کی دوڑ میں مشغول تھے اور پی ٹی آئی نے اسے گھاس نہ ڈالی تو وہ آخری روز ٹکٹ حاصل کرنے پہنچ گئے۔

شکرگڑھ میں منعقدہ تقریب سے خطاب کرتے ہوئے احسن اقبال نے کہا کہ دانیال عزیز نے پی ٹی آئی کے چکر میں ٹکٹ حاصل کرنے کیلئے درخواست تک نہیں دی تھی، جبکہ پی ٹی آئی کو خوش کرنے کے لئے انہوں نے ہمارے خلاف پریس کانفرنس کر دی تھی۔

احسن اقبال نے یہ بھی ذکر کیا کہ 2013 میں بھی ن لیگ کی قیادت دانیال عزیز کو ٹکٹ دینے کے حق میں نہیں تھی، اور انہوں نے دانیال عزیز کے لئے 20 منٹ کے دلائل پیش کیے، جس میں وفاداری کی گارنٹی بھی شامل تھی۔

رہنما نے مزید کہا کہ دانیال عزیز نے ن لیگ پر مہنگائی کا الزام لگایا اور مجھے ذمہ دار قرار دیا، جبکہ مہنگائی تو پی ٹی آئی کے آئی ایم ایف پروگرام نے کی ہے