الیکشن کمیشن کا فیصلہ: جماعتوں کو جنرل نشستوں میں خواتین کی 5 فیصد نمائندگی لازمی بنانے کا حکم
پاکستان الیکشن کمیشن نے اعلان کیا ہے کہ جن سیاسی جماعتوں کو جنرل نشستوں میں انتخابی نشانات الاٹ کیا جاچکا ہے، وہ جماعتیں جنرل نشستوں پر 5 فیصد خواتین امیدواروں کی نمائندگی لازمی بنائیں۔ یہ فیصلہ الیکشنز ایکٹ 2017 کے تحت کیا گیا ہے.
ترجمان الیکشن کمیشن نے اتوار کو جاری بیان میں تمام سیاسی جماعتوں سے 5 دنوں کے اندر جنرل نشستوں میں مرد/خواتین امیدواروں کی فہرست الیکشن کمیشن کے پاس جمع کرانے کاحکم دیا جنہیں پارٹی ٹکٹ جاری کیے گئے ہیں.
