قومی مسائل کےحل کے لئے تمام سیاسی جماعتوں کو مل بیٹھنا ہوگا، احسن اقبال

وفاقی وزیرمنصوبہ بندی، ترقی ، اصلاحات و خصوصی اقدامات احسن اقبال نے کہا ہے کہ ہمیں صحت مند، ہنر مند، تعلیم یافتہ قوم پیدا کرنا ہے ،قومی مسائل کے حل کے لئے تمام سیاسی جماعتوں کو مل بیٹھنا ہوگا۔ان خیالات کااظہارانہوں نے بدھ کو یہاں پارلیمانی فورم برائے آبادی کی تقریب سے خطاب کرتےہوئے کیا۔ انہوں نے کہاکہ تمام سیاسی جماعتوں کو ایک میز پر بٹھایا گیا ہے ۔قومی مسائل حل کیلئے تمام سیاسی جماعتوں کو مل بیٹھنا ہوگا۔ہمیں قومی ایجنڈا پر مل کر بات کرنا ہوگی اور حل نکالنا ہوگا ۔

آج کا دور جدت کا دور ہے۔ احسن اقبال نے کہا کہ افرادی قوت کے بجائے کوالٹی کی بات کی جا رہی ہے،صرف آبادی کی نہیں بہتر صلاحیتوں کی بھی ضرورت ہے، پاکستان میں آبادی بڑھنے کی شرح کم ہو رہی تھی ، لیکن پھر سے اضافہ دیکھنے کو ملا ۔2017 سے یہ شرح 2.4 فیصد تھی اور اب 2.5 فیصد سے زیادہ ہے۔یہ قومی ترقی اور قومی مفاد کیلئے ایک چیلنج ہے ۔ہمیں پانی کی کمی کا بھی سامنا ہے۔ انہوں نے کہاکہ ہمیں صحت مند، ہنر مند، تعلیم یافتہ قوم پیدا کرنا ہے ۔

- Advertisement -

آبادی کی وسائل سے مطابقت بہت ضروری ہے۔ قومی صحت ایمرجنسی کی ضرورت ہے ۔وفاق اور صوبوں کو مل کر کام ہوگا ۔ ڈھائی کروڑ بچے سکولوں سے باہر ہیں ۔خواندگی کی شرح 60 فیصد ہے جبکہ قومی ترقی کیلئے یہ شرح 90 فیصد چاہیئے ۔تعلیم کے شعبے میں بڑے کام کی ضرورت ہے ۔تعلیم میں اصلاحات کی ضرورت ہے۔ احسن اقبال نے کہاکہ دنیا میں ماں کی تعلیم اور بچوں کی پیدائش میں تناسب ہوتا ہے۔ تکنیکی شعبوں کو بہتر بنانا ہوگا۔