قومی اسمبلی میں قائد حزب اختلاف و مرکزی سیکریٹری جنرل تحریک انصاف عمر ایوب کو دیگر منتخب اراکینِ پارلیمان سمیت سرگودھا کی انسداد دہشتگردی عدالت میں داخلےسے روکے جانے کا معاملہ

قومی اسمبلی میں قائد حزب اختلاف و مرکزی سیکریٹری جنرل تحریک انصاف عمر ایوب کو دیگر منتخب اراکینِ پارلیمان سمیت سرگودھا کی انسداد دہشتگردی عدالت میں داخلےسے روکے جانے کا معاملہ

پاکستان تحریک انصاف نے عدلیہ پر مسلّح حملوں کی تاریخ رکھنے والی جماعت کی غیرمنتخب اور مینڈیٹ چور حکومت کے عدالت پر بزورِ شمشیر قبضے کی شدید مذمت

سپریم کورٹ سے پولیس گردی کے اس سیاہ ترین واقعے کے فوری نوٹس، وزیراعلیٰ پنجاب، ہوم سیکرٹری پنجاب، چیف سیکرٹری پنجاب اور ہوم سیکرٹری پنجاب کے خلاف کے سخت کارروائی کا مطالبہ

سپیکر قومی اسمبلی سے بھی ان چاروں کے خلاف فوری کارروائی عمل میں لانے کا مطالبہ

مینڈیٹ چور وزیراعلٰی، چیف سیکرٹری، ہوم سیکرٹری اور آئی جی کے خلاف ایوان میں بھرپور آواز اٹھانے اور ان سے کڑی جواب طلبی کا بھی اعلان

پنجاب کی مینڈیٹ چور سرکار نے قومی اسمبلی میں قائدِ حزب اختلاف عمر ایوب، تحریک انصاف کے نامزد شدہ ڈپٹی پارلیمانی رہنما احمد چٹھہ سمیت متعدد اراکین پارلیمان کو جبراً سرگودھا کی انسداد دہشتگردی عدالت میں داخلے سے روک کر بیک وقت پارلیمان اور عدالت کی توہین کی ہے، ترجمان تحریک انصاف

پنجاب کی مینڈیٹ چور سرکار نے عدالت کو یرغمال بناکر عدالتی امور میں بدترین مداخلت کی سیاہ تاریخ رقم اور عدالت اور انصاف کی کھلی بے حرمتی اور سنگین جرم کا ارتکاب کیا ہے، ترجمان تحریک انصاف

قائدِ حزب اختلاف عمر ایوب سمیت دیگر اراکین اسمبلی کو عدالت میں داخلے سے روکنے کا مقصد عدالت کو بندوق کے زور پر فیصلے سے باز رکھنا جبکہ عوامی نمائندوں کو حصولِ انصاف سے محروم کرنا ہے، ترجمان تحریک انصاف

جنگل کے قانون کے تحت صوبے اور وفاق کی غیرمنتخب سرکاریں ننگی بدمعاشی کو وطیرہ بنا رہی ہیں، ترجمان تحریک انصاف

اسلام آباد ہائی کورٹ کے 6 ججز کے خط میں بیان کردہ ہتھکنڈوں کے ذریعے عدالتوں کو انصاف سے باز رکھنے کے بعد ججوں کو یرغمال بنانے اور عدالتوں پر قبضے کرلینے کا ٹرینڈ شروع کیا گیا ہے، ترجمان تحریک انصاچ

جعلی وزیر اعظم اور وزیراعلیٰ کے ٹاؤٹس کیجانب سے الزامات اور دھمکیوں پر مبنی پروپیگینڈہ مہم بھی عدلیہ کو ہراساں کرنےکے تسلسل کی ایک کڑی ہے، ترجمان تحریک انصاف

عدلیہ پر ذمہ داری عائد ہے کہ وہ قانون کی حکمرانی اور بنیادی انسانی حقوق کے ساتھ ادارے کے وقار کا تحفظ بھی یقینی بنائے، ترجمان تحریک انصاف

چیف جسٹس آف پاکستان، چیف جسٹس لاہور ہائی کورٹ فوری طور پر واقعے کا نوٹس لیں اور عدالتی امور میں اس کھلی مداخلت کے ذمہ داران کے خلاف کارروائی کی جائے، ترجمان تحریک انصاف

سپیکر شریفوں کا ٹاؤٹ بن کر آنکھیں بند کرنے کی بجائے پارلیمان اور منتخب ارالینِ پارلیمان کی حرمت و حقوق کے تحفّظ کیلئے عملی اقدام اٹھائیں، ترجمان تحریک انصاف

عدالتوں پر قبضے کرکے سیاستدانوں خصوصاً تحریک انصاف کو کچلنے کی کوششیں کرنے والوں کی ہر مقام پر ڈٹ کر مزاحمت کریں گے، ترجمان تحریک انصاف