الیکشن کمیشن آف پاکستان نے EMS کی تجرباتی مشق کا انعقادکیا

الیکشن کمیشن آف پاکستان نے انتخابی نتائج کی tabulation اور compilation کے لیے تیار کیے گئے الیکشن مینجمنٹ سسٹم (EMS) کی آج ایک اور تجرباتی مشق (mock test ) کی ہے جس میں تمام مطلوبہ مراحل اور اہداف کی کامیابی سے تکمیل ہوئی۔
کمیشن کے ترجمان کے مطابق EMS کی تجرباتی مشق میں ملک بھر کے 859 انتخابی حلقوں کے ریٹرننگ آفیسرز شریک ہوئے اور اس نظام کی تمام حوالوں سے آن لائن اور آف لائن دونوں صورتوں (modes ) میں اہلیت کو جانچا گیا اور اسے ہر لحاظ سے اطمینان بخش پایا گیا۔کمیشن کے ترجمان کے مطابق EMS کا بنیادی مقصد انتخابی نتائج کی tabulation اور compilation ہے اور اس کا استعمال انتخابات کے دن 8 فروری کو ہو گا۔یہ نظام آن لائن اور آف لائن موڈ دونوں صورتوں میں یکساں رفتار اور اہلیت سے کام کرتا ہے۔آج کی تجرباتی مشق نے EMS کو مکمل فعال اور موثر ثابت کیا۔اس مشق کے دوران میں EMS کے ذریعے انتخابی نتائج کی ترسیل اور فارم۔47 جنریٹ کرنے کا عمل بھی کئی بار دہرایا گیا اور اس حوالے سے ای ایم ایس کی کارکردگی کو تسلی بخش پایا گیا۔