اے این ایف نے 14 اسمگلر گرفتار کرکے 133 کلو منشیات قبضے میں لے لی

اسلام آباد: منشیات اسمگلنگ کے خلاف انسدادِ منشیات فورس (اے این ایف) کا کریک ڈاؤن جاری ہے، جس کے تحت مختلف کارروائیوں میں 133 کلو سے زائد منشیات برآمد کی گئی ہیں اور 14 ملزمان گرفتار کیے گئے ہیں۔

اے این ایف کے ترجمان کے مطابق، راولپنڈی میں واقع ایک کوریئر آفس میں برطانیہ سے بھیجے گئے 5 پارسلز سے 145 گرام ویڈ اور 47 گرام CBD آئل برآمد کیا گیا۔ دو ملزمان کو بھی گرفتار کیا گیا۔

اس کے علاوہ، کالا شاہ کاکو ٹول پلازہ شیخوپورہ کے قریب سے 54 کلو چرس، مظفر گڑھ سے 20 کلو چرس، کوہاٹ سے 18 کلو چرس، حب سے 12 کلو چرس اور 4 کلو آئس، برہان انٹرچینج اٹک سے 10 کلو چرس، لکپاس ٹول پلازہ کوئٹہ سے 4 کلو ہیروئن اور 1 کلو آئس، حیات آباد پشاور سے 4 کلو چرس، چمکنی جی ٹی روڈ پشاور سے 2 کلو ہیروئن، اقبال شہید ٹول پلازہ جی ٹی روڈ اٹک سے 2 کلو چرس، 26 نمبر چونگی سے 500 گرام افیون اور 1 کلو چرس اور زیرو لائن طورخم سے 630 گرام آئس برآمد کی گئی۔

گرفتار ملزمان کے خلاف انسدادِ منشیات ایکٹ کے تحت مقدمات درج کیے گئے ہیں۔

*اے این ایف کی کارروائیوں میں منشیات اسمگلنگ کے بڑے نیٹ ورک کو توڑنے میں مدد ملے گی۔